ՀՀ Ազգային եւ ԵՊՀ գրադարաններից 150 միավոր գիրք (մոտ 7 մլն դրամ արժողությամբ) գողանալու գործով, այսօր Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մնացական Մարտիրոսյանը հրապարակեց Վաժա Ազիարաշվիլու եւ մյուսների գործով դատավճիռը: Վրաստանի ոստիկանության նախկին աշխատակից Վաժա Ազիարաշվիլին դատապարտվեց 10 տարվա ազատազրկման՝ գույքի կեսի բռնագրավմամբ, Երվանդ Ղամբարյանը՝ 5 տարվա, 4,5 տարվա ազատազրկման դատապարտվեց Դավիթ Ղամբարյանը, 4 տարվա՝ Վարդան Եղիազարյանը , Կարեն Հովհաննիսյանը եւ 5 տարվա ազատազրկման՝ ԵՊՀ գրադարանի վարիչ Հասմիկ Դուրգարյանը, որի նկատմամբ պայմանական պատիժը չի կիրառվի:
Ռուզան ՄԻՆԱՍՅԱՆ
