«Ժառանգության» նախկին պատգամավոր, Հայաստանի մարդու իրավունքների առաջին պաշտպան Լարիսա Ալավերդյանի կարծիքով՝
այսօր հասարակության մեջ լիդերի խնդիր կա, այն այժմ ձեւափոխված է. «Լիդերի մեջ այլեւս չեն տեսնում Փոքր Մհերի կամ Սասունցի Դավթի: Արդեն ավելի հասուն հայացքով են նայում, թե ով կարող է ի վերջո կառավարել, եւ ոչ թե իր վրա վերցնել ու ժողովրդին տանել իր հետեւից: Բացի այդ՝ երեւի Աստծո նախախնամությունն է, որ անդունդ չենք գլորվել մինչ հիմա»:
Ալավերդյանի խոսքով՝ քաղաքացիական հասարակությունը այժմ հասունացել է, ու 2012 թվականը քաղաքացիական հասարակության դիպվածներով եւ դեպքերով լի է եղել: Ըստ նրա՝ «Արդեն ունենք նոր որակի քաղաքացիական հասարակություն: Եվ այդ հասարակությունը կարողացել է ստեղծել այնպիսի մի լեզու, որով իրար հասկանում են կայացած սուբյեկտները: Համոզված եմ, որ ժամանակն է, որպեսզի քաղաքացիական հասարակությունը ոչ միայն Երեւանից դուրս գա, գնա դեպի խորքային վայրեր, այլեւ կարողանա Երեւանում էլ ստեղծել նոր շերտեր»:
Կարդացեք նաև
Եվա ՀԱԿՈԲՅԱՆ
