Վերջին տարիներին հետեւելով կաթոլիկներին, այդ թվում Հայաստանում գործող միջազգային կառույցներին, արդեն դեկտեմբերի կեսերից մենք էլ սկսում ենք փոխադարձ շնորհավորանքներ ուղարկել Ծննդյան տոների և Ամանորի առթիվ:
Այդ կապակցությամբ եղբայրաբար երկու նկատառում ունեմ.
Հայ Առաքելական Սուրբ Եկեղեցին Սուրբ Ծնունդը, հայտնի է, տոնում է հունվարի 6-ին, ինչպես դա արվել է սկսած երկրորդ դարից: Իսկ դեկտեմբերի 25 –ը, ինչպես Մաղաքիա արք. Օրմանյանն է նշում, մեջտեղ է ելել Բեթղեհեմի ուխտագնացությունը Հորդանանի ուխտագնացությունից առանձնացնելու անհրաժեշտությունից: Հունվարի 6-ը, որպես Փրկչի Ծննդյան օր, ավելի նախնական ու հնավանդ է, գրում է Օրմանյանը: Ժամանակին հունվարի 6-ը հիմնավորվել է նաև Սբ. Ներսես Շնորհալու կողմից:
Մյուսը, եկեք միմյանց չասենք՝ «Շնորհավոր ձեր սուրբ ծնունդը»: Դա, մեղմ ասած, անվայել է, քանի որ Սուրբ Ծնունդը վերաբերում է միայն Աստվածորդուն՝ Փրկչին, Հիսուս Քրիստոսին:
Կարդացեք նաև
Եկեք մենք միմյանց ասենք՝ Շնորհավորում եմ Ձեզ Սուրբ Ծննդյան կապակցությամբ, կամ պարզապես՝ Շնորհավոր Սուրբ Ծնունդ և Ամանոր:
Գևորգ ՄԱՆՈՒԿՅԱՆ
ՀՍԻԿ նախագահ
