«Վան Արյան» հրատարակչությունը լույս է ընծայել թատերագետ, արվեստագիտության դոկտոր, պրոֆեսոր Գրիգոր Օրդոյանի «Հայ կրկեսային արվեստի անցած ուղին» գիրքը, որը ԿԳ նախարարության կողմից երաշխավորվել է իբրեւ ուսումնական ձեռնարկ՝ բարձրագույն ուսումնական հաստատությունների համար: Հեղինակը ներկայացրել է հայ կրկեսային արվեստի պատմությանն ու տեսությանը նվիրված բովանդակալից եւ մատչելի շարադրված, փաստական հարուստ նյութով հագեցած մի գիրք, որը նրա երկարամյա եւ քրտնաջան պրպտումների արգասիքն է: «Հայ կրկեսային արվեստի անցած ուղին», լրացնելով կրկեսին նվիրված աշխատությունների սակավ ցանկը, լավ նվեր է ուսանողության, արվեստաբանների եւ ընթերցող լայն շրջանակի համար:
Ներածության մեջ հեղինակը գրել է, որ իր հիմնական խնդիրը ոչ թե զուտ հայկական կրկեսի կամ կրկեսային արվեստի պատմության ուսումնասիրությունն է, այլ հրապարակում եղած փաստերի, վկայությունների, գիտական հայացքների ու տեսական դրույթների քննությունը:
Սեփ. լր.
«Առավոտ» օրաթերթ
