Ինֆորմացիայի ազատության կենտրոնը մշակել եւ հրատարակել է «Տեղեկատվական վեճերի խորհրդի կարծիքների ժողովածուն»:
Այն տպագրվել է ԵԱՀԿ Երեւանյան գրասենյակի ֆինանսական աջակցությամբ: 2010թ-ին ստեղծված Տեղեկատվական վեճերի խրհուրդը մինչ 2012թ-ը հրապարակել է 19 կարծիք` մամուլի դեմ բերված դատսկան գործերի վերաբերյալ:
Մասնավորապես, 10-ը վերաբերում են տպագիր մամուլի դեմ դատական գործընթացներին:
Տպագիր թերթերից «Հրապարակի» գործով է 2 անգամ «միջամտել» ՏՎԽ-ն, մնացածների՝ «Իրավունքի», «Ժողովրդի», «Հայկական ժամանակի», «Չորրորդ ինքնիշխանության » դեմ հայցերով ՏՎԽ-ն կարծիք է տվել 1-ական անգամ:
Կարդացեք նաև
Ի դեպ, հեռուստաընկերություններից «Սկիզբ Մեդիա Կենտրոն» ՍՊԸ գործով ՏՎԽ-ն եզրակացություն է տվել 2 անգամ՝ Թաթուլ Մանասերյանի եւ «Գլենդել Հիլզ» ՓԲԸ-ի հայցերի հետ կապված: Կուսակցություններից ՏՎԽ-ն իր կարծիք-եզրակացությունն է տվել «Մեկ ազգի» դեմ Դանիել Իոննիսյանի, Բայանդուր Պողոսյանի եւ Հասմիկ Սիմոնյանի կողմից ներկայացված հայցով:
ԲՈՒՀ-երից Երեւանի պետական համալսարանն է «անցել» 1 անգամ՝ Ա.Գաբուզյանն ընդդեմ «Բանաձեւ» ՍՊԸ-ի, Սիրեկան Եղիազարյանի գործով:
Ժողվածուում կարծիքները դասակարգվել են թեմատիկ առումով.վիրավորանքի եւ զրպարտության գործերն առանձին են, «հանրային շահն» այլ խմբում է, «ատելություն սերմանող խոսքի եւ լրագրողական էթիկային» առնչվողն այլ:
Բացառիկ ժողովածուում տրվել են նաեւ «Քաղաքական գործիչ», «Փաստեր եւ գնահատողական դատողություններ», «Հրապարակային արտահայտություն», «Երգիծական ոճ.ծաղրանկարներ», «Բարեխիղճ հայտարաւոթյուն», «Հերքում», «Տեղեկատվության աղբյուր», «Համացանց եւ սոցիալական ցանցեր», «Նախնական գրաքննություն»…սահմանումները: Այս արտահայտություերը դատական գործընթացների ժամանակ լուրջ վեճերի առիթ են դառնում, դատարան են բերվում անգամ բառարաններ, հրավիրվում են լեզվաբաններ:Այս առումով կարեւոր էր ժողովածուուոմ այն ընդգրկելը:
Ժողովածուն երկլեզու է՝ հայերեն եւ անգլերեն:
Ռուզան ՄԻՆԱՍՅԱՆ
