«Շատ անգամ թատրոնը եւ եթերը լցվում են դուրս պրծած դիլետանտներով, որոնց կարիքը չի զգացվում»,-այսօր «Հայելի» ակումբում ասաց դերասան Արա Դեղտրիկյանը: Նրա խոսքով. «Եվրոպական երկրներում պետությունը ֆինանսավորում է մի քանի թատրոն: Մեզանում ասում են` բացեք թատրոնները, բայց այս պուճուր քաղաքում նոր թատրոններ պետք չեն: Եղած թատրոնները պետք է պահել եւ ֆինանսավորել»:
Դեղտրիկյանը կարծում է, որ սերիալների միակ դրական կողմը շնորհալի դերասաններն են, ովքեր այլ ճանապարհ չեն գտել գումար աշխատելու համար:
Տիկնիկային թատրոնի գլխավոր ռեժիսոր Ռուբեն Բաբայանի խոսքով. «Թատերական կյանքում փոփոխություններ են ի հայտ գալիս նոր անունների հայտնվելուն պես: Թատրոնների պարագայում նոր եւ ապշեցնող խոսք չեմ տեսել, եւ դա բնական է, քանի որ տաղանդը չի հարցնում` ում վրա «իջնել» եւ երբ: Առհասարակ, տաղանդը ժամանակավոր երեւույթ է, բայց եթե ծնվում է, նրան արտահայտվելու հնարավորություն պետք է տալ»:
Անցնող տարվա թատերական կյանքի վերաբերյալ դերասան Սուրեն Շահվերդյանը կատակեց, թե մարդիկ ծեծում էին թատրոնների դռները եւ տոմս խնդրում:
Կարդացեք նաև
Լուիզա ՍՈՒՔԻԱՍՅԱՆ
