Ներկայումս էկոլոգների ձայնը կարծես տեղ է հասնում, ինչը փաստում է վերջին երկու տարվա ընթացքում երիտասարդների նախաձեռնած շարժումը: Արդյունքում գրանցվեցին ինչ-ինչ նվաճումներ»,-այսօր «Հայելի» ակումբում ասաց բնապահպան Կարինե Դանիելյանը:
Նա նշեց, որ դաշտը կարգավորող համապատասխան օրենքներ կան, սակայն հաճախ ագահությունը սպանում է ամեն ինչ. «Օրինակ, փոքր ՀԷԿ-երի կառուցումը շատ լավ բան է, բայց ամբողջ հանրապետությունով մեկ են կառուցում, գյուղերից վերցնում են ոռոգման ջուրը եւ վնաս հասցնում էկոհամակարգին: Այսօր առկա են Թռչկանի եւ Լաստիվերի խնդիրները, որոնք, օրենքով, չպետք է լինեին: Մյուս կողմից՝ էկոտուրիզմը նույնպես շատ լավ բան է, բայց մեզանում վերածվում է խաշ-խորովածի: Իսկ Պարզ լիճը «Պղտոր լիճ» ենք դարձնում: Ինչ վերաբերում է Սեւանի խնդրին, այս տարի կրկնակի ջրաբացթողում եղավ, ինչն արգելված է օրենքով»:
Կարինե Դանիելյանի խոսքով. «Այսօր խնդրահարույց են քաղաքաշինությունը եւ ընդերքօգտագործումը: Վերջինս ընթանում է երկիրը քանդելու ճանապարհով: Անտառածածկ տարածքներին եւ կուրորտային գոտիներին առաջ ձեռք չէին տալիս, մինչեռ հիմա Թեղուտից սկսած` «մտել» ենք անտառային գոտիներ: Ինչ վերաբերում է քաղաքաշինությանը, այսօր բիզնեսն ավելի է կարեւորվում: Ասում են, որ ԱԳՆ շենքը գեղեցիկ հյուրանոց կդառնա, բայց շենքը մեր պետականության սիմվոլն է: Ստացվում է, որ առաջնայինը ոչ թե պետական սիմվոլն է, այլ բիզնեսը»:
Կարդացեք նաև
Լուիզա ՍՈՒՔԻԱՍՅԱՆ
