Երկրի ամենահեղինակավոր հայ-ամերիկյան լոբբիստական խմբերը «անհանգստացած են» ԱՄՆ պաշտպանության նախարարի հավանական թեկնածու Չակ Հագելի՝ Հայոց ցեղասպանության վերաբերյալ ունեցած դիրքորոշումից: Գրում է «Քոմմենթարի մեգըզին» հանդեսը:
«Մենք մեր անհանգստությունն ենք հայտնում նախկին սենատոր Հագելի Անկարայի խորամանկ խաղի կանոնններին հետևելուն, որոնցով հարցականի տակ է դրվում Հայոց ցեղասպանության հարցում ամերիկյան ազնվությունը», – ասել է ԱՄՆ Հայ դատի հանձնախմբի գործադիր տնօրեն Արամ Համբարյանը՝ էլփոստով արած հայտարարության մեջ:
Հագելը ԱՄՆ կառավարության Հայոց ցեղասպանության ճանաչմանը դեմ է հանդես եկել ու ասել է, որ 1915թ. մեկ միլիոնից ավելի հայերի կոտորածը չի կարծում, որ ցեղասպանություն է:
«Ինչ եղել է 1915թ., եղել է 1915թ.: Որպես ԱՄՆ սենատոր, կարծում եմ, որ այս հարցը լուծելու լավագույն տարբերակը կլինի, որ թողնենք պատմաբաններն ու ուրիշները որոշեն, թե ինչ է տեղի ունեցել և ինչու», – 2005թ. ասել է սենատոր Հագելը մի խումբ հայ լրագրողներին:
Կարդացեք նաև
Հագելի արած հայտարարությունները կրակի տակ են առել իսրայելամետ համայնքը, միասեռականների իրավունքները պաշտպանող խմբերը և Ամերիկայի կուբացիները: Վաշինգտոնում բազմաթիվ դաշնակիցներ և աջակիցներ ունեցող Ամերիկայի հայ համայնքի քննադատությունները Հագելի պաշտապնության նախարար նշանակելու հարցը կարող են ավելի խնդրահարույց դարձնել Սենատում:
Պատրաստեց Հովհաննես ԻՇԽԱՆՅԱՆԸ
