Ավան եւ Նոր Նորք վարչական շրջանների ընդհանուր իրավասության դատարանի դատավոր Դավիթ Հարությունյանի նախագահությամբ երեկ շարունակվեց «Հարսնաքար» ռեստորանային համալիրի տնօրեն Հրաչյա Զուրաբյանի հարցաքննությունը:
Նրա դատաքննութան եւ նախաքննության ժամանակ տրված ցուցմունքների մեջ հակասություն տեսնելով, դատարանը հրապարակեց նախաքննության ժամանակ տրված ցուցմունքները: Մասնավորապես, նախաքննության ժամանակ վկան ցուցմունք էր տվել, որ ամբաստանյալ Նորայր Հայրապետյանը դեպքի օրը՝ այս տարվա հունիսի 17-ին իրեն տեղեկացրել է, որ իրենք ծեծել են հաճախորդին (ռազմական բժիշկ Վահե Ավետյանին), մինչդեռ դատական քննության ժամանակ, վկան հայտնել էր, թե Նորայրն իրեն տեղեկացել էր, որ ծեծել է հաճախորդին:
Հակասություններ կային նաեւ ժամանակագրության առումով:
Կարդացեք նաև
Դատարանը դատական հաջորդ նիստի օրը չի որոշել, քանի որ դիմել է ՀՀ փաստաբանների պալատի հանրային պալատի գրասենյակին ամբաստանյալ Դավիթ Ադամյանի պաշտպանի՝ Սերգեյ Մկրտչյանի արձակուրդի մեկնելու հետ կապված նոր պաշտպան ներգրավվելու հարցով:
