«Թայմս օֆ Ինդիա» թերթն անդրադարձել է Մադրաս քաղաքի եկեղեցիներին` նշելով, թե որն ինչ ձևով է անկացնելու Սուրբ ծնունդը:
Թերթի հետ զրույցում ծխական քահանա հայր Ռեյնան ասել է. «Ծննդյան տոները Սուրբ Մարիամ հայկական եկեղեցում, որը դեկտեմբերի 18-ին դարձավ 300 տարեկան, ամենայն հավանականությամբ լուռ կանցնեն: Եկեղեցում ոչ մի ծառայություն չի մատուցվի, քանի որ քաղաքում հայ չի մնացել: Եկեղեցու պահակը` Ալեքսանդրը, ինչպես միշտ հանրության առջև կբացի Հնդկաստանի ամենահին հայկական եկեղեցիներից մեկի դռները, սակայն պատարագ չի լինի, ոչ էլ աղոթողներ կլինեն»:
Հայերը Մադրասում հաստատվել էին 1666թ., այն Հնդկաստանի հայերի ամենախոշոր գաղութներից մեկն էր: 20-րդ դարի 60-ականներին քաղաքում արդեն գրեթե հայ չէր մնացել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
