Այսօր «Տեսակետ» ակումբում Հայ խոհարարական ավանդույթների զարգացման եւ պահպանման հ/կ նախագահ Սեդրակ Մամուլյանն ու ազգագրագետ Սվետլանա Պողոսյանը խոսեցին ավանդական եւ ժամանակակից Նոր տարվա, տոնական ուտեստների ու տոնի իրական խորհրդի մասին: Մամուլյանի ձեւակերպմամբ՝ այսօր հայկական ամանորյա սեղաններից բացակայում են ավանդական ուտեստները: Ըստ նրա՝ «Ավանդականից շեղվելը սկսվել է Խորհրդային միության տարիներից, երբ մարդկանց մեջ դեֆիցիտը գտնելու մոլուցքն էր տիրում: Բայց պետք է հիշել, որ հնում հայերն Ամանորին պատրաստում էին հարիսա, քաշիկա, խմորից պատրաստված ավանդական ուտեստներ, գաթաներ: Ի դեպ՝ խմորից պատրաստված կերակուրները ծիսական իմաստ են ունեցել: Ցավոք, այսօր դրանցից ոչ մեկին չես հանդիպի հայկական ընտանիքների ամանորյա սեղաններին: Իսկ եթե ոմանք էլ դեռ պատրաստում են, ապա հիմնականում մարզերում, գյուղերում:
Հիմա հայերը նախընտրում են խոզի բուդ պատրաստել, իսկ դա ես կանվանեմ ալարկոտություն, քանի որ կանայք նախընտրում են հեշտ, արագ մի մեծ կտոր խոզի ազդր պատրաստել ու ազտավել»: Պողոսյանն էլ հավելեց, որ հայկական ավանդական ուտեստներից շատ քիչ տեսականի է մարդկանց հայտնի, ու դրանցից, օրինակ, քաշիկան այժմ էլ պատրաստվում է ու այս ուտեստը Տավուշի մարզում ամենատարածված կերակրատեսակներից է:
Եվա ՀԱԿՈԲՅԱՆ
Կարդացեք նաև
Տեսանյութը՝ «Ա1+»-ի
