Ռազմիկ Ամյանի երգը դարձյալ «գողացել» են: Այս անգամ «Վայ-վայ» երգի «գողը» աշգաբադցի մի երիտասարդ է: Թեմային անդրադառնալով` tert.am-ը զրուցել է Ռազմիկ Ամյանի պրոդյուսեր Արմեն Մովսիսյանի հետ, ով նշել է, որ իրենք շատ բացասականորեն տրամադրված չեն երևույթի նկատմամբ ու այն գնահատում են նորմալ: Այնուամենայնիվ, նա նշել է նաև, որ քայլեր անել պատրաստվում են:
Ռազմիկի երգը Youtube-ից «գողացել» են իսկ Հարավկորեացի ռեփեր Psy-ի «Gangnam Style» տեսահոլոավակի դիտումը՝ «հասցրել» 1 միլիարդի: Յութուբյան ռեկորդը անտարբեր չի թողել ոչ մեկին, ֆեյսբուքում մեկը մյուսի հետևից գրառումներ են թողնում օգտատերերը: Երգչուհի Սոֆի Մխեյանն էլ խոստացել էր տեսահոլովակը՝ 1 միլիարդ դիտումն անցնելուն պես, տեղադրել իր ֆեյսբուքյան պատին. «Այսքան մարդ մենակ նայի այս տեսահոլովակն, արդեն միլիոնավոր view-ներն ապահովված են))) ինքս ինձ խոսք եմ տվել, որ հենց տեսահոլովակը youtube-ում դառնա 1000.000.000, share պիտի անեմ ֆեյսբուքիս պատին))) ես դա կանեմ, իրականում այ սա է աշխարհի վերջը: Ինչո՞ւ, որովհետև չկա ոչինչ ասելու` թե երաժշտության մասին, թե հենց կատարողի: Բայց արի ու տես` աշխարհը ինչ է լսում դիտում ու գնահատում. օօ՜ ոչ, ավելի անհավանական ախմախություն չեմ տեսել բայց որ վարակիչ է, դա փաստ է:)OPA GANGNAM STYLE)», – գրել է երգչուհին:
Թեև ոչ յութուբյան ռեկորդակիր, բայց Youtube-ում դիտումների մեծ թիվ ապահովված հայազգի աշխարհահռչակ երաժիշտ, կոմպոզիտոր Սերժ Թանկյանը երաժշտություն կգրի նոր` Morning Star համակարգչային խաղի համար: Թանկյանն ուրախ է ուժերը նոր ոլորտում փորձելու համար: Morning Star-ը լույս կտեսնի 2013թ.-ին:
2013-ին հայտնիներից յուրաքանչյուրը յուրովի է սպասում, մեկը նոր տեսահոլովակ է ակնկալում, մյուսը համերգային շրջագայություն, իսկ ահա Ալլա Լևոնյանի ընտանիքը 2013-ին կհամալրվի նոր անդամով. երգչուհին երեխայի է սպասում. «Այո, բալիկի եմ սպասում: Հղիության վաղ շրջանում եմ, դեռ սեռը չգիտենք, – Bravo.am-ին ասել է երգչուհին, – ամուսինս` Սեյրանը, շատ է ուրախացել, կարելի է ասել` ինձնից շատ: Նա ուզում է, որ 5 բալիկ ունենանք: Երեխաներս` Ժանուլիկն ու Հայկը, նույնպես ուրախ են ու անհամբեր սպասում են իրենց քույրիկին կամ ապերիկին»:
Հասմիկ Կարապետյանն էլ չի կարողանում հարմարվել ցրտին, ֆեյսբուքում գրել է. «Որքան էլ ինքս ինձ ստիպում եմ ենթարկվել բնության թելադրանքին, սրտով ընդունել ձմեռը, ձյունը, չի ստացվում.. Ամառ… կարոտել եմ… վերադարձիր…»:
Տիգրանուհի Թասլակյան
