Այսօր ԿԳ նախարար Արմեն Աշոտյանն ամփոփեց տարին: Նա հայտնեց, որ ԿԳ նախարարությունը փորձել է ողջ տարվա ընթացքում լինել հնարավորինս թափանցիկ, հասանելի եւ հաշվետու:
Նախարարն առանձնացրեց մասնավորապես այն այն 7 հիմնական հաջողությունները, որոնք գրանցվել են 2012 –ին: Այս տարի Հայաստանի աշակետական օլիմպիական թիմը նվաճել է տասնվեց մեդալ՝ վեց առարկաներից, ինչը նախարարի ասելով, եւս մեկ անգամ փաստում է, որ Հայաստանի կրթական համակարգը մրցունակ է միջազգային ասպարեզում, իսկ հայերը կիրթ եւ զարգացած ժողովուրդ են: Ի դեպ, մեկ շնչին բաժին ընկնող օլիմպիական մեդալների թվով Հայաստանը զիջել է միայն Էստոնիային:
Արմեն Աշոտյանի նշած յոթնյակում են նաեւ առաջիկա հինգ տարիներին Հայաստանին Բոլոնյան քարտուղարությունը վստահելը, շախմատն իբրեւ առարկա դպրոցական ծրագիր ներմուծելը, աննախադեպ ընդունելության քննությունները, ՀՀ նախագահի կողմից երիտասարդ գիտնականների աջակցության ծրագիրը, ԱՊՀ երկրների մանկավարժների համագումարը եւ ԱՊՀ երկրների նախարարների կոնֆերանսը Հայաստանում:
Կարդացեք նաև
«Հաջողությունները միայն այս 7 ձեռքբերումներով չեն սահմանափակվում»,-ասաց նախարարը, ապա ժպտալով հավելեց, որ ձեռքբերումներն ու խնդիրները ճակատագրական տարբերություն ունեն. ձեռքբերումները վերջնական չեն, իսկ խնդիրները հարատեւ են:
Գոհար ՀԱԿՈԲՅԱՆ
