Հայոց համազգային կուսակցության համագումարում ողջույնի իր խոսքում ՍՀԴԿ ատենապետ, ՀՀ ԱԺ ՀԱԿ պատգամավոր Լյուդմիլա Սարգսյանն ասաց, որ սա հերթական համագումարը չէ եւ անգամ ՀՀՇ համագումարը չէ, ներկա են բազմաթիվ կուսակցություններրի ներկայացուցիչներ, ովքեր ակնկալում են լսել, թե ՀԱԿ-ը ինչ ձեւաչափով է մասնակցելու 2013-ի փետվարի ՀՀ նախագահի ընտրությանը: Տեսնելով ՀՀ նախկին նախագահ Լեւոն Տեր-Պետրոսյանի զարմանքը, տիկին Սարգսյանն ասաց` այո, այո ՀԱԿ-ը:
Լյուդմիլա Սարգսյանը վստահ է, որ 2007-ին Տեր-Պետրոսյանը կարողացավ միավորել տարբեր քաղաքական հայացնքներ եւ աշխարհաքաղաքական նախասիրություններ ունեցող ուժերին եւ դահիլիճը սկսեց ոտքի վրա վանկարկել «Լեւոն, Լեւոն», «Լեւոն իմաստուն»:
Տիկին Սարգսյանը շարունակեց, թե 2008-ին իրենց հաջողվել է հաղթանակ տանել ռեժիմի դեմ, սակայն հերթական անգամ հաղթանակը չի գրանցվել; «ՀԱԿ-ի խնդիրները մնում են նույնը, ՀԱԿ-ը պատասխանատվություն է կրում երկրի ու ժողովրդի առաջ: Այն որ իշխանությունն է մեղավոր առկա խնդիրներում, ՀԱԿ-ին չի ազատում պատասխանատվությունից», ասաց տիկին Սարգսյանը:
Բանախոսի կարծիքով, ՀԱԿ-ն ունի բազմաթիվ արժանի թեկնածուներ, սակայն միայն Լեւոն Տեր-Պետրոսյանն է ունակ համախմբելու եւ համախմբելու քաղաքական դաշտը: Այս հայտարարությունը նույնպես «Լեւոն, Լեւոն» վարկարկումների արժանացավ:
Կարդացեք նաև
Նելլի ԳՐԻԳՈՐՅԱՆ
