ՀՀՇ համագումարում ելույթ ունենալով ՀԱԿ-ի ոչ կուսակցական թեւի անունից՝ ՀԱԿ համակարգող Լեւոն Զուրաբյանը նկատեց, որ ՀՀՇ-ն իր գոյության եւ գործունեության երկու հանգրվաններում կարողացել է ժողովրդին առաջնորդել՝ ձեռքբերելով անկախություն, որն այսօր վտանգված է, հաստատելով շուկայական տնտեսությունը, որն իշխանությունը ջուրն է գցել, տնտեսությունը կենտրոնացնելով հիսուն ընտանիքների ձեռքում եւ ԼՂՀ պատերազմի ձեռքբերումը, որն այսօր նույնպես վտանգված է:
«Այս իշխանությունները իրենց իշխանությունը պահելու համար, եթե պետք է՝ կարող են տասը մարդ սպանել, 150 քաղբանտարկյալներ տարիներով պահել բանտերում, եթե պետք է՝ գաղտնալսում անել, դա էլ կանեն: Սա դաժան, ցինիկ ախոյան է, և մենք պետք է հասկանանք, որ Հայաստանում գնում է Թուրքմենստան դառնալու մի գործընթաց: Սյսօր Սերժ Սարգսյանի գլխավորւթյամբ իշխանությունը զբաղված է դրանով»,- ասաց ՀԱԿ համակարգողը:
Լեւոն Զուրաբյանը վստահ է, որ ՀՀՇ-ն այս երրորդ հանգրվանում էլ կկարողանա քաղաքական ուժերի եւ հանրության հետ կազմել այն թիմը, որը Հայաստանում կանի իշխանափոխություն եւ կհաստատի ժողովրդավարություն:
Զուրաբյանի ելույթից հետո դահլիճում վանկարկեցին ՀԱԿ-ի «Պայքար, պայքար, մինչեւ վերջ» կարգախոսը:
Կարդացեք նաև
Արամ Մանուկյանը հրապարակեց, որ ավանդաբար ՀՀՇ-ի երրորդ մանդատը տրվում է վարչության պատվավոր նախագահ Վանո Սիրադեղյանին, որը թեեւ «ֆիզիկապես այստեղ չէ, բայց մշտապես ՀՀՇ-ի հետ է»: Երկրորդ մանդատը. ըստ Արամ Մանուկյանի, տրվում է ԱԺ նախկին նախագահ Բաբկեն Արարքցյանին, առաջին մանդատը՝ Լեւոն Տեր-Պետրոսյանին:
Նելլի ԳՐԻԳՈՐՅԱՆ
