Վարչապետ Տիգրան Սարգսյանի այսօրվա որոշմամբ, Խ. Աբովյանի անվան մանկավարժական համալսարանի ուսխորհրդի նախագահ Վոլոդյա Գասպարյանը նշանակվել է պետական գույքի կառավարման կոմիտեի պետի տեղակալի պաշտոնում:
Առայժմ Վ. Գասպարյանը իր նոր աշխատանքը կհամատեղի ուսխորհրդի նախագահի աշխատանքի հետ, մինչեւ ուսխորհրդի նոր նախագահի ընտրությունները: «Ես Հանրապետական կուսակցության անդամ եմ եւ նախագահն էլ իր վերջին ելույթներում նշում է, որ տեղ պետք է տանք երիտասարդներին, քանի որ կար համապատասխան թափուր պաշտոն, ղեկավարությունը որոշեց, որ ես այդ պաշտոնում ավելի օգտակար կարող եմ լինել հանրապետությանը»,- ասաց Վ. Գասպարյանը:
Հիշեցնենք, որ որ վարչապետ Տիգրան Սարգսյանը նաեւ Մանկավարժական համալսարանի խորհրդի նախագահն է:
Արփինե ՍԻՄՈՆՅԱՆ
