«Փի Ար Նյուզուայեր» պարբերականը, անդրադառնալով Արմինե Օհանյանի նոր գրքին, գրում է` նա մեծացել է Իրանում որպես հայ աղջիկ և այժմ իր փորձն է նկարագրում իր նոր վեպում: «Խնձորնենին ծաղկում է աշնանը» գիրքը պատմում է ոմն Կարինեի պատմության մասին, որը մի շարք փորձությունների է հանդիպում Իրանից Եվրոպա և ԱՄՆ գնալու ճանապարհին:
Խոսելով գրքի մասին` Արմինե Օհանյանն ասել է. «Ինչ-ինչ պատճառներով այս գիրքն ավելի բարդ էր գրելը, քան «Ինը տարի ազատության համար»-ը: Հավանաբար այն պատճառով, որ թեման իմ պես հայ կնոջ փորձի մասին էր: Ամեն դեպքում, ես հաճույք ստացա աշխատանքից, այն ինձ հիշեցրեց Իրանի իմ կյանքը, և’ որպես երեխա, և’ որպես երիտասարդ աղջիկ: Գրելու ընթացքում երբեմն ծիծաղում էի խելագարի պես, իսկ երբեմն՝ դառն արտասվում, երբ որոշ գլուխներ էի գրում: Ես ուրախ եմ, որ գիրքն արդեն հետաքրքրություն է առաջացանում կանանց մոտ միջազգային մասշտաբով»:
Կարդացեք նաև
Արմինե Օհանյանը ծնվել է Իրանում, հայկական ընտանիքում: 1962թ.-ից նա ապրում է Եվրոպայում և ԱՄՆ-ում: Նա իր առաջին գիրքը` պատմվածքների ժողովածուն երեխաների համար, հրատարակել է Թեհրանում, տասնհինգ տարեկանում: 2012թ. օգոստոսին Արմինեն հրատարակել է իր առաջին վեպը` «Երազելով Ամերիկայի մասին», այժմ այն հայտնի է որպես «Ինը տարի ազատության համար»: Հիմա նա ապրում է Ուեսթհեմփթոնում՝ իր ամուսնու և երեք կատուների հետ:
Պատրաստեց Հովհաննես ԻՇԽԱՆՅԱՆԸ
