Այսօր կառավարության նիստում պաշտպանության փոխնախարար Արա Նազարյանը ներկայացրեց իրենց ոլորտի հարկային պարտավորությունների կատարման և տնտեսական աճի մասին հաշվետվությունը:
Աշխատողների թիվը կրճատվել է 120-ով, այդ պատճառով հարկերը նվազել են 6,1 տոկոսով, իսկ սոցիալական ապահովագրության հիմնադրամի հատկացումները՝ 10,1 տոկոսով:
Ըստ նրա, այս տարվա սեպտեմբերի 1-ից մինչեւ դեկտեմբերի 31-ը ընկերություններում կանխատեսվում է կատարել 1 միլիարդ 176 միլիոն դրամի ծառայություններ, որի արդյունքում կապահովի լրացուցիչ 209 միլիոն դրամ հարկ. «Արդյունքում պետական բյուջե կվճարվի 408 միլիոն դրամ, իսկ սոցիալական ապահովագրության հիմնադրամին՝ 226 միլիոն դրամ»:
Պարոն Նազարյանի խոսքերով, այս տարվա 8 ամսվա կտրվածով տնտեսական աճի ցուցանիշը աճել է 7,4 տոկոսով, պետբյուջե վճարված հարկերի մասով՝ 6,1 տոկոսի նվազում, իսկ սոցիվճարների մասով կրկին նվազում՝ 10,1 տոկոսով: Նա ասաց, որ մինչեւ տարեվերջ կանխատեսում են տնտեսական աճի ցուցանիշի 9,5 տոկոս աճ:
Կարդացեք նաև
Արփինե ՍԻՄՈՆՅԱՆ
