Տավուշի մարզի քաղաքների եւ գյուղերի մարդաշատ վայրերում՝ ավտոկայարաններում, խանութների պատերին եւ այլն փակցված են դեպի Ռուսաստան ավտոբուսային փոխադրումներ կատարող ընկերությունների ուղերթների վերաբերյալ տվյալներով հայտարարություններ: Դրանց վճարն անհամեմատ էժան է օդանավի տոմսի գնից:
Ադրբեջանի հետ սահմանամերձ մարզից շարունակվում է Ռուսաստան արտագաղթը: Երեւանից ՌԴ քաղաքներ մեկնող ավտոբուսները կանգառներ են կատարում Իջեւանի շուկայի մոտ, Նոյեմբերյանում, Այրումում, մարզի գյուղերում ՝ համալրելով Հայաստանը հիմնական լքողների թիվը:
Տավուշցիները օգտվում են նաեւ Ռուսաստան միգրացիայի «Հայրենակիցներ» ծրագրից, վերահաստատվում ՌԴ տարբեր մասերում՝ նաեւ հեռավոր Սիբիրում:
24 տարի առաջ՝ 1988թ. դեկտեմբերի 10-ին Միխայիլ Գորբաչովն այցելեց երկրաշարժից տուժած Հայաստան: Հայաստան գալուց առաջ նա ԽՍՀՄ կենտրոնական եւ Հայաստանի հեռուստատեսության թղթակիցների հետ հարցազրույցում անդրադառնալով Հայաստանում տարածված լուրերին ասել է. «Նրանք(հայոց համազգային շարժման ակտիվիստները-ծանոթ. Ո. Ս.) հիմա լուրեր են տարածում, որ ուզում են Ռուսաստան տանել երեխաներին եւ նրանց չվերադարձնել Հայաստան, կտրել ժողովրդից, թե հայերին այժմ կվերաբնակեցնեն Սիբիրում: Լսեցեք, բա վայե՞լ է հիմա այսպիսի բաներով զբաղվելը: Ուրեմն ի՞նչ բարոյականություն տեր են այս մարդիկ, հարցնում եմ ես»:
Կարդացեք նաև
Ոսկան ՍԱՐԳՍՅԱՆ
