«Հաֆինգթոն փոստ» պարբերականում հրապարակված մի նյութում հեղինակը պատմում է, որ երբ «Վորլդ վիժըն»-ում կամավոր էր, այցելել էր Եթովպիա, Հայաստան և Պերու, և այդ ժամանակ նա զգաց նվեր տալու ուժը:
«Ես հանդիպեցի մարդկանց, որոնք այծեր, կովեր, սերմեր և այլ նյութական միջոցներ էին նվեր ստացել: Ես ապշած էի, թե ինչպես են այս թվացյալ հասարակ ապրանքները հույսով լցնում ընտանիքների ու համայնքների կյանքը: Ինձ համար պարզ դարձավ, որ այս նվերները մարդկանց կյանքերն են փոխում», – պատմում է հեղինակը ու գրում, որ նման մի ընտանիքի Հայաստանում է հանդիպել, որոնք կով էին նվեր ստացել. «Նրանք բոլորը ժպտում էին, երբ պատմում էին, թե ինչպիսի փոփոխություն մտցրեց այդ կովը նրանց կյանքում: Այն և’ հուսալի սննդի աղբյուր է, և’ եկամուտ ստանալու»:
Նա գրում է, որ Ծննդյան տոներին նա նվերներ չի տալու, այլ հույսեր է տալու:
Կարդացեք նաև
Պատրաստեց Հովհաննես ԻՇԽԱՆՅԱՆԸ
