Մոսկվայի տանն այսօր տեղի ունեցավ «Արեւիկ» համույթի սան Անահիտ Սարգսյանի «Սուրբ Խաչ» երգի տեսահոլովակի շնորհանդեսը: Aravot.am-ի հետ զրույցում Անահիտ Սարգսյանը նշեց, որ տեսահոլովակի ռեժիսորն է Հրանտ Մովսիսյանը, երաժշտության հեղինակը` Գրիգոր Առաքելյանը, իսկ խոսքերի հեղինակը` Սերգեյ Հարությունյանը: «Երգը հատուկ գրվել է Ապարանի ճանապարհին Սուրբ Խաչի բացման կապակցությամբ եւ կատարվել է միայն այդ օրը: Երգը դասական ոճի է, կատարման ընթացքում ինձ նվագակցում է Կամերային երգչախումբը: Տեսահոլովակում ինձ մի լույս է անդադար ուղղորդում, որին հետեւելով` վերջում, ես գալիս, կանգնում եմ Ապարանի խաչի առջեւ եւ այն կարծես իմ խաչն է դառնում: Առհասարակ, խաչի թեման դժվար է, քանի որ խաչ ասվածը մարդիկ յուրովի են պատկերացնում»:
Անահիտ Սարգսյանի խոսքով. «Մինչ ձայնագրվելն աշխատել եմ շարականների մասնագետի հետ, քանի որ նախկինում չեմ երգել շարականներ: Սակայն աշխատեցի եւ երգեցի Ծաղկաձորի Կեչառիս եկեղեցական համալիրում, որպեսզի, այսպես ասած, պատկերացնեմ այդ մթնոլորտը: Առհասարակ, եկեղեցին իմ կյանքում մեծ տեղ ունի, իսկ խաչը` մեծ խորհուրդ: Եթե անգամ չեմ կրում խաչ, կարծես ձեռքիս մեջ ունենում եմ: Այն ինձ ուժ է տալիս, ուղղորդում եւ օգնում հաջողություններին հասնելու ճանապարհին»:
Կարդացեք նաև
Լուիզա ՍՈՒՔԻԱՍՅԱՆ
