Ս.թ. դեկտեմբերի 17-ից ՀՀ-ում ԱՄՆ դեսպանատանը կգործի մուտքի արտոնագրերի դիմումի ներկայացման ու հարցազրույցների նշանակման նոր ընթացակարգ: Նոր ընթացակարգը թույլ կտա առավել արագացնել ԱՄՆ ոչ ներգաղթային արտոնագրերի համար դիմելու գործընթացը:
Նոր ընթացակարգի շրջանակում արտոնագրի համար դիմում ներկայացնողներին կառաջարկվեն հետևյալ ծառայությունները.
- Դիմումի հետ կապված վճարը հնարավոր կլինի վճարել հետևյալ տարբերակներից մեկով. (1) հեռախոսով՝ զանգելով +374 (0) 60 270 113 (եթե զանգահարում եք ՀՀ տարածքից) +374 60 270 113 (եթե զանգահարում եք ոչ ՀՀ տարածքից) տեղական հեռախոսահամարին, +1 703 439 2353 ամերիկյան հեռախոսահամարին կամ usvisaarmenia Skype հասցեին (2) առցանց՝ այցելելով www.usvisa-info.com կայքը կամ (3) անձամբ՝ վճարումը կատարելով ԱրդՇինԻնվեստԲանկի մասնաճյուղերից որևէ մեկում: Վճարումը կարող է կատարվել կանխիկ գումարով կամ բանկային քարտի միջոցով: Ս.թ. դեկտեմբերի 17-ից մուտքի արտոնագրի դիմումի հետ կապված գումարը վճարելուն վերաբերող մանրամասները զետեղված են www.usvisa-info.com կայքում:
- Մուտքի արտոնագրի համար հարցազրույցի պայմանավորվածություն հնարավոր կլինի անվճար ձեռք բերել կամ հեռախոսով՝ զանգելով +374 (0) 60 270 113 (եթե զանգահարում եք ՀՀ տարածքից) +374 60 270 113 (եթե զանգահարում եք ոչ ՀՀ տարածքից) տեղական հեռախոսահամարին, +1 703 439 2353 ամերիկյան հեռախոսահամարին կամ usvisaarmenia Skype հասցեին կամ էլ առցանց՝ այցելելով www.usvisa-info.com կայքը:
Հիշյալ փոփոխությունների հետ կապված Ձեր ուշադրությանն ենք հրավիրում հետևյալին.
- Եթե մուտքի արտոնագրի դիմումատուն վճարումն կատարել է մինչև դեկտեմբերի 14-ը ՀայԷկոնոմԲանկում, սակայն դեկտեմբերի 17-ի դրությամբ հարցազրույցի օր դեռ չի նշանակել, ապա խնդրում ենք հարցազրույց նշանակելու համար էլ. փոստով գրություն ուղարկել ԱՄՆ դեսպանատանը [email protected] հասցեով:
- Գումարը վճարելիս բանկի գանձապահին է ներկայացվում դիմումատուի անձնագիրը (կամ անձը հաստատող այլ պաշտոնական փաստաթուղթ): Վճարված գումարը գրանցվում է դիմումատուի անձնագրի համարով: Նույն կանոնը վերաբերում է նաև առցանց վճարումներին:
ՀՀ-ում ԱՄՆ դեսպանությունը Անկարայի ԱՄՆ դեսպանության ու Դուբայի ԱՄՆ հյուպատոսարանի հետ մեկտեղ քննության են առնելու նաև Իրանի քաղաքացիների դիմումները:
Առավել մանրամասների համար տես Քայլառքայլ ուղեցույցները պատրաստված մուտքի արտոնագրի համար դիմող ՀՀ քաղաքացիների և Իրանի քաղաքացիների համար:
ԱՄՆ դեսպանության
