«Առաջին անգամ չի խոսել եւ առաջին անգամ չի ամրագրել: Մինչեւ հիմա, ցավոք, մենք չենք տեսել մենաշնորհների դեմ լուրջ, արդյունավետ պայքար: Չենք տեսել»,-Aravot.am-ի հարցին՝ ինչպե՞ս է գնահատում անցած շաբաթ օրը ՀՀԿ համագումարում նախագահ Սարգսյանի հնչեցրած նախընտրական ծրագրի այն դրույթը, որտեղ խոսվում է մենաշնորհների վերացման մասին, ասաց ՀՅԴ բյուրոյի անդամ, ԱԺ պատգամավոր Վահան Հովհաննիսյանը: Ծրագրի մասին ամբողջական գնահատակամեր զրուցակիցը չտվեց, քանի որ նախագահ Սերժ Սարգսյանի նախընտրական ելույթը ոչ լսել է, ոչ էլ կարդացել:
Պարոն Հովհաննիսյանին խնդրեցինք զուգահեռներ անցկացնել նախագահի ծրագրում ամրագրված մենաշնորհների վերացման մասին կետի եւ ՀՀԿ-ական մեծամասնության գործունեության միջեւ: Հիշեցնենք, որ դեկտեմբերի 6-ին ՀՀԿ-ն եւ ՕԵԿ-ը դեմ քվեարկեցին ՀԱԿ-ի ներկայացրած համամենաշնորհային օրինագծին: «Էդպես էլ կարելի էր սպասել: Ցավոք, մեծամասնության ֆրակցիաները պառլամենտում վաղուց ինքնուրույն պառլամենտական ուժ չեն: Դրանք կառավարության կցորդն են»,- ասացՎահան Հովհաննիսյանը:
Նելլի ԳՐԻԳՈՐՅԱՆ
