Այսօր Շիրակի մարզի ընդհանուր իրավասության դատարանը անմեղ ճանաչեց 2004 թվականին ԼՂՀ-ի Մատաղիսի զորամասում ժամկետային զինծառայողներ Ռոման Եղիազարյանի ու Հովսեփ Մկրտումյանի սպանության մեջ մեղադրվող Արայիկ Զալյանին, Ռազմիկ Սարգսյանին ու Մուսա Սերոբյանին: Aravot.am-ի հետ զրույցում սպանված զինծառայող Հովսեփ Մկրտումյանի հայրը` Մովսես Մկրտումյանը, ասաց. «Ես, ինչպես և պահանջել էի, ազատ արձակեցին այս երիտասարդներին, որոնք ոչ մի կապ չունեին իմ որդու սպանության հետ: Դատարանը չէր կարող, իրավունք էլ չուներ հանցագործներին բերեր, բայց ապացուցեց, որ ուրիշ մարդասպան է եղել , ու 8 տարի քողարկվել է այս մարդասպանությունը:Ես իրավունք ունեմ, և ոնց որ էն ժամանակ պահանջել եմ, որ բերեն իրական սպանողներին, հիմա էլ եմ ասում, որովհետև ես նորից եմ կրկնում ` իմ էրեխուն սպանել են աֆիցերները. ես մի գրամ չեմ կասկածում, որ դա ոչ թե զինվորի գործ է , այլ աֆիցերի: Մինչև վերջ պայքարելու եմ, որ իրական մարդասպաններին դատարապարտեն, քանի դեռ կենդանի եմ, շնչում եմ, ուրեմն ինձ պիտի սպանեն, որ էս պայքարը պրծնի:Ես 19 տարի էրեխա եմ մեծացել, պահել, ու միանգամից տանեն մի օրում քցեն ու ասեն չի՞ եղել, էդպես չի լինի»:
Նունե ԱՐԵՎՇԱՏՅԱՆ
