Անցած շաբաթ Ամերիկայի Հայկական Համագումարն իր ամենամյա ճեպազրույցները և ընդունելություններն անցկացրեց Վաշինգտոնում և Մասաչուսեթս նահանգում. հաղորդում է Ամերիկայի Հայկական Համագումարը:
Վաշինգտոնի հավաքին, որի կազմակերպմանն աջակցել եր Հայաստանի Հանրապետության դեսպանատան անձնակազմն ու անձնապես դեսպան Թաթուլ Մարկարյանը, բացման խոսքով հանդես եկավ Համագումարի կամավորական ծրագրի նախկին մասնակից` Արամ Գավուրը, ով նաև ստանձնեց հանդիսության վարողի դերը: Միջոցառմանը հրավիրված խոսնակն էր Համաշխարհային Բանկի մարդկային զարգացման փոխտնօրեն` Թամար Մանուելյան Ատինկը: Նա փորձառու մասնագետ է, շուրջ երեք տասնամյակ աշխատել է Համաշխարհային Բանկում: Ատինկը հակիրճ ներկայացրեց բանկի կողմից տարվող լայնածավալ աշխատանքը, ինչպես նաև իր ներկայիս մասնագիտացումը կրթության, սոցիալական պաշտպանության և աշխատավարության դաշտերում: Գործուղումից նոր վերադարձած դեսպան Մարկարյանը, ով համատեղության կարգով նաև Մեկսիկայում է աշխատում, հյուրերին ներկայացրեց վերջին զարգացումները, ինչպես նաև պատմեց Ադրբեջանի ապակողմնորոշման քարոզարշավը և ինքնամեծար արձանների տեղադրումը խափանելու արդյունավետ ջանքերի մասին:
Համագումարի Հոգաբարձուների խորհրդի անդամ Անի Թոթան ողջույնի խոսք ասաց, իսկ իրեն ներկայացնող Գավուրը թվարկեց իր բազմաթիվ հաջողությունները` ներառյալ 2010թ Էլիս կղզու մրցանակի շնորհումը: Թոթան մեծ ոգևորությամբ խոսեց Վաշինգտոնում հայկական խնդիրների բարձրաձայնման անհրաժեշտությամ մասին:
Փորձառու իրավաբան, Ջորջ Վաշինգտոնի Իրավաբանության դպրոցի դասախոս Պրն. Գավուրը, վերհիշեց Ամերիկայի Հայկական Համագումարում անցկացրած իր կամավորական փորձը և ընդգծեց այդ ծրագրի կարևորությունը` խոսելով այն մասին, թե ինչպես ծրագիրն օգնեց կերտել իր մտածողությունը, մինչ նա շարունակում էր իր ուսումը և մուտք գործում աշխատաշուկա:
Կարդացեք նաև
Համագումարի գործադիր տնօրեն Բրայան Արդունին երախտագիտություն հայտնեց վաշինգտոնյան տարածաշրջանյանին հանձնաժողովին և բոլոր ներկաներին իրենց շարունակական աջակցության համար և ամփոփեց Համագումարի 2012թ-ի աշխատանքը` ընդգծելով ամերիկահայ առաջնորդների հաջորդ սերնդին նախապատրաստելու անհրաժեշտությունը, մինչ մենք կշարունակենք հաղթահարել գալիք դժվարությունները:
Արլինգթոնում (Մասաչուսեթսի նահանգ) կազմակերպված ամենամյա հավաքի խոսնակներն էին Համագումարի (ARAMAC) նահանգային ղեկավարներ Հերման Փուրությանը և Ջերարդ Կիլաջյանը: Փուրությանը, ով բնակվում է Մասաչուսեթսում, քննարկեց Համագումարի հայանպաստ գործունեությունը` ներառյալ իր համաժողովների անցկացումը Վաշինգտոնում և ընդգծեց համայնքային մակարդակի գործունեության կարևորությունը: Մեյն նահանգի Համագումարի ղեկավար պրն. Կիլաջյանը շարունակեց Փուրությանի խոսքը` հատուկ օրինակներ բերելով Մեյնից և Վաշինգտոնից: Կիլաջյանը, ով Սիրիայից է, իր խոսքում նշեց Սիրիայի իրավիճակի ներկա դրությունը, դրա ներազդեցությունըմը սիրիահայ և այլ քրիստոնյա համայնքների վրա:
Արդունին խոսեց Համագումարի 40-րդ տարելիցի մասին և ընդգծեց Համագումարի վերջին տարիների ջանքերը` ներառյալ ի նպաստ սիրիահայ համայնքի տարվող աշխատանքները Կոնգրեսի և վարչակազմի հետ: Արդունին նաև հատուկ խոսեց առաջնորդների գալիք սերնդին վերապատրաստելու և Համագումարի ներկայությունը ողջ երկրով ամրապնդելու անհրաժեշտության մասին ի բարօրություն ողջ հայության:
1972 թվին հիմնված` Ամերիկայի հայկական համագումարը Վաշինգտոնում տեղակայված խոշորագույն համազգային հասարակական կազմակերպություն է, որն օժանդակում է հայկական հարցերի ճիշտ ըմբռնմանն ու լուսաբանմանը: Համագումարը 501(c) (3) կարգավիճակով հարկերից ազատված անդամակցական կազմակերպություն է:
Ամերիկայի Հայկական Համագումար
