Այսօր Aravot.am-ի հարցին, թե ինչպես կմեկնաբանի այն, որ տեղական ինքնակառավարման զարգացման եւ իշխանության ապակենտրոնացման ռազմավարական մոտեցումները ներկայացնող փաստաթղթի խորհրդարանական լսումների ժամանակ, որոշ հասարակական կազմակերպությունների ներկայացուցիչներ կարծիք էին հայտնել, որ «մարզպետարաններն անպիտան կառույցներ են», Արմեն Գեւորգյանն ասաց. «Շատ անպիտան գնահատական է, որովհետեւ գոնե իմ վերջին 4,5 տարվա աշխատանքի փորձառությունը ցույց է տալիս, որ մարզպետարանները ամենագործնական կառույցներ են մեր պետական համակարգում, ամենօրյա աշխատանք են իրականացնում, ամենօրյա շփումների մեջ են համայնքների եւ բնակության հետ եւ ամենօրյա խնդիրները պահում են իրենց ուշադրության կենտրոնում: Այլ հարց է, որ արդյոք իրենց աշխատանքը բավարար է բավարար չէ, արդյունավետ է արդյունավետ չէ, եւ կարելի է այն ավելի արդյունավետ դարձնել: Այո ես համոզված եմ, որ կարելի այն ավելի արդյունավետ դարձնել, բացի ցանկություններից նաեւ հնարավորությունները պետք է թույլ տան»:
