Մինչ 2013 թվականի փետրվարի 18-ի ՀՀ նախագահական ընտրությունները հաստատուն քայլերով մոտենում են սահմանագծին, վանաձորցիները կարծում են, որ գալիք ընտրությունները նախորդներից ոչնչով չեն տարբերվելու:
55-ամյա վանաձորցի Էմմա Գաբրիելյանն Aravot.am-ի հետ զրույցում նշում է, որ գալիք ընտրությունները նախորդների նման ձեւական են լինելու. «Ոչ մի անգամ էլ արդար չի լինում: Ընտրությունների ժամանակ փող են բաժանում, որ գնացեք այս ինչ մարդուն ընտրեք: Այս անգամ էլ նույնն է լինելու, արդեն ամեն ինչ որոշված է »: Նա գալիք ընտրությունների հետ ոչ մի հույս չի կապում, փոփոխության ակնկալիք էլ չունի: «Ոչ մի բանի էլ հույս չկա, որ որեւէ բան կփոխվի, ժողովուրդը ոնց ապրել է, այդպես էլ կապրի, ամենքը իր տան հոգսերով: Հիմնարկներ չկան, որ մարդիկ աշխատեն, լավ ապրեն, ով նստում ա, ինքն իրան է հարստացնում: Դա էլ է անարդար ընտրություն: Պիտի այնպիսի մարդ ընտրվի, որ ժողովրդի մասին մտածի: Իսկ այդպիսի մարդ չկա»,-ասում է տիկին Էմման:
Վանաձորցի 36-ամյա Նելլի Ժամհարյանը եւս մեզ հետ զրույցում նշում է, որ ընտրությունները չեն կարող ազդել ոչ իր 4 անձից բաղկացած ընտանիքի, ոչ էլ երկրի վիճակի լավացման վրա: Ըստ նրա` եղած վիճակը չարյաց փոքրագույնն է: «Սենց էլ մնա, լավ ա, թեեւ հույս չկա, որ դեպի լավը մի բան կփոխվի, բայց եթե գոնե էսպես էլ մնա, չվատանա վիճակներս, էդ էլ ա դրական »,-ասում է Նելլին Ժամհարյանը:
Կարդացեք նաև
Անուշ ԲՈՒԼՂԱԴԱՐՅԱՆ
