1937թ. թվի մեթոդներով քաղաքական խնդիրներներ լուծեն անպարկեշտ է: Կարծում է ԲՀԿ խմբակցության քարտուղար Նաիրա Զոհրաբյանը` անդրադառնալով ՀԱԿ խմբակցության ղեկավար Լեւոն Զուրաբյանի եւ ԲՀԿ պատգամավոր Վարդան Օսկանյանի զրույցի գաղտնազերծմանը.
«Ես այդ ձայնագրությունը չեմ լսել ու սկզբունքորեն չեմ լսելու, որովհետեւ դա նույն բանն է, որ դու փակ դռան հետեւից ականջ դնես ու լսես երկու անձանց խոսակցությունը, ես հարգում եմ ինձ, եւ հարգում եմ այն մարդկանց` Լեւոն Զուրաբյանին. Վարդան Օսկանյանին, որոնք իրավունք ունեն առանձնազրույց ունենալու»,-ասաց նա։
ՀԱԿ պատգամավոր Նիկոլ Փաշինյանը, ում գործունեության իրենց առանձնազրուցում անդրադաձել են պատգամավորները, դատապարտում է տեղի ունեցածը եւ հստակ ձեռքգիր տեսնում. «Դա Խորհրդային ԿԳԲ-ին գործելակերպին բնորոշ դրսեւորում է, եւ կարծում եմ, որ նմանօրինակ գերծելակերպը մեր իրականության մեջ չպետք է տեղ ունենա»։
Լեւոն Զուրաբյանի եւ Վարդան Օսկյանյանի առանձնազրույցի գաղտնազերծումը պատգամավոր Ալեքսանդր Արզումանյանը գնահատում է Սահմանադրության կոպտագույն խախտում. «Այդ փորձն ունենք 2008թ.-ի մարտի մեկից հետո, երբ իմ եւ մի շարք այլ քաղաքական գործիչների առանձնազրույցները ապօրինաբար ձայնագրած դարձրել էին հանրային քննարկման առարկա»։
Մանրամասները կարդացեք այստեղ:
