2013թ. սկզբին Մաքսային միությունը նախատեսում է Հայաստանի հետ համագործակցության փաստաթղթեր ստորագրել: Այս մասին հայտնել է Եվրասիական տնտեսական հանձնաժողովի (ԵՏՀ) խորհրդի նախագահ Վիկտոր Խրիստենկոն: Գրում է «Ֆորում» պարբերականը:
«Մենք նոր ենք աշխատանքային այց կատարել Հայաստան, և Հայաստանի նախագահի ու վարչապետի հետ հանդիպման ժամանակ, երբ քննարկում էինք համագործակցության ձևաչափերը, մենք պայմանավորվեցինք պատրաստել Հայաստան -ԵՏՀ համագործակցության փաստաթղթեր: Այժմ մենք աշխատում ենք դրանց վրա: Հավանաբար այն կստորագրվի մյուս տարվա սկզբին», հայտնել է Խրիստենկոն:
Հայաստանի հետ հետագա պայմանավործությունների մասին խոսելով` նա նշել է, որ նրանք նաև կհիմնվեն ԵՏՀ-ի կարողությունների վրա: Գրում է «Ֆորումը»` հղում անելով «Ինտերֆաքս-Ուկրաինա»-ին:
Կարդացեք նաև
«Մինչ այժմ մեր իրավասության տակ է այն ամենը, ինչ կապված է առևտրային քաղաքականության հետ, սակագնային և ոչ սակագնային միջոցների, տեխնիկական կարգավորման միջոցների, անվտանգության միջոցների և այլն», – հիշեցրել է նա:
Պատրաստեց Հովհաննես ԻՇԽԱՆՅԱՆԸ
