Աջափնյակ եւ Դավթաշեն վարչական շրջանների ընդհանուր իրավասության դատարանը դատավոր Վազգեն Ռշտունու նախագահությամբ ավարտեց Յուրիկ Նասիբյանի եւ Աշոտ Խաչատրյանի դեմ հարուցված քրեական գործի դատաքննությունը:
13 տարվա ազատարզրկման դատապարտվեց Տավուշի մարզի նախկին գինեկոլոգը՝ Յուրիկ Նասիբյանը:Նախկինում 3 անգամ դատապարտված բժիշկը մեղադրվում էր Թամարա Դերզյանի բնակարան գնալու (բնակարանը գնելու պատրվակով) եւ նրան դանակով սպանելու համար: Աշոտ Խաչատրչյանի հետ նրանք զոհի բնակարանից հափշտակել էին սրբապատկերներ, ոսկյա իրեր:
Յուրի Նասիբյանին «Առավոտն» անդրադարձել էր դեռ այն ժամանակ, երբ նրա «բժշկական սխալի» պատճառով ծննդաբերության ժամանակ ընդհատվեց Կարինե Աթոյանի կյանքը:Դատարանն այդ «սխալի» համար նրան դատապարտեց 5,5 տարվա ազատազրկման, եւ կիրառեց համաներում: Համաներումից հետո էլ պարզվեց, որ բժիշկը տարիներ առաջ մասնակից է եղել այս դաժան սպանությանը:
Ռուզան ՄԻՆԱՍՅԱՆ
