Մի քանի ժամ առաջ անհայտ անձինք կոտրել են Պարույր Սևակի արձանի ոտքը: Տեղեկացնում է Panarmenian.net-ը: Արձանը տեղադրված է Երևանի Դրամատիկական թատրոնի հարևանությամբ գտնվող նստարանին:
Հիշեցնենք, որ Պարույր Սևակի, ինչպես նաև Մհեր Մկրտչյանի, Եղիշե Չարենցի, Հրանտ Մաթևոսյանի և Տիգրան Պետրոսյանի արձանները, որոնք Երևանում տեղադրվել էին Էրեբունի-Երևանի տոնակատարություններին ընդառաջ, մոտ օրերս պետք է տեղափոխվեն համապատասխան թանգարաններ:
Նախատեսվում էր տեղադրել 9-12 արձան, սակայն տեղադրվեցին այդ հինգը, որոնք ձմռանը պետք է տեղափոխվեն համապատասխան տուն-թանգարաններ: Արձանների հեղինակն է Սուրեն Մելքոնյանը, իսկ պատրաստված են դրանք կավի և մի քանի այլ նյութերի խառնուրդից:
