Ադրբեջանցիներին դուր չի եկել Freedom House միջազգային հեղինակավոր կազմակերպության մարդու իրավունքների պաշտպանության վերաբերյալ զեկույցը: Ադրբեջանական «Վեստի» լրատվականը գրում է, որ Ադրբեջանի հ/կ-ների համագործակցության միությունը, որի մեջ է մտնում ավելի քան 50 կազմակերպություն, հայտարարություն է տարածել, որում ասվում է, թե մարդու իրավունքների և ազատության պաշտպանության, քաղաքացիական հասարակություն ձևավորելու համար օրենսդրություններ է մշակվել, ազատորեն գործում են քաղաքական կուսակցությունները, հասարակական կազմակերպությունները, տպագիր և էլեկտրոնային ԶԼՄ-ները:
Նրանց հատկապես դուր չի եկել, որ զեկույցում Հայաստանի գնահատականը ավելի դրական է, քան իրենցը. «Ժողովրդավարական ինստիտուտների գործառույթներն ու մարդու իրավունքների վիճակը ավելի թույլ չէ, քան Հայաստանում, սակայն զեկույցում Հայաստանը, ինչպես միշտ, ավելի բարձր տեղ է զբաղեցնում, քան Ադրբեջանը»:
Պատրաստեց Հովհաննես ԻՇԽԱՆՅԱՆԸ
Կարդացեք նաև
