«Դեռ քննարկումներ են գնում, դեռ մի քանի օր պետք է սպասեք, կհայտարարենք»,- ընտրություններին ՀԱԿ մասնակցության ձեւաչափի և ԲՀԿ որոշման վերաբերյալ կուսակցության որոշման հրապարակման մասին քիչ առաջ հայտարարեց ՀԱԿ խմբակցության քարտուղար Արամ Մանուկյանը:
Ինչո՞ւ է ՀԱԿ-ը ձգձգում որոշման հրապարակումը: Այս առիթով Aravot.am-ը «Կովկաս» ինստիտուտի տնօրեն Ալեքսանդր Իսկանդարյանից հետաքրքրվեց՝ հնարավո՞ր է Լևոն Տեր-Պետրոսյանը չառաջադրվի, ինչը հանգեցնի ՀԱԿ-ի վերջնական կազմաքանդման: Քաղաքագետը պատասխանեց. «Ես ասել եմ, եթե ՀԱԿ-ը նախագահական ընտրություններում հանդես չգա իր թեկնածուով, դա ՀԱԿ-ի վարկանիշի, իմիջի վրա վատ կանդրադառնա: Չգիտեմ՝ մինչև ընտրությունները ՀԱԿ-ի կազմաքանդում հնարավո՞ր է, թե՞ ոչ, բայց ինձ չի թվում, որ այդ սցենարը լավ կլինի ՀԱԿ-ի համար»:
Տաթև ՀԱՐՈՒԹՅՈՒՆՅԱՆ
