Հանրապետական պատգամավոր Գագիկ Մինասյանը հայտարարել է, թե ընտրություններից հետո Սերժ Սարգսյանի խոստացած փոփոխոթյունները ցանկացած քաղաքացու համար կդառնան տեսանելի։
«ՉԻ»- Ստացվում է, որ այդ փոփոխությունները հիմա է՛լ կան, պարզապես տեսանելի չեն։ Իսկ հիշո՞ւմ եք, թե ինչեր էր խոստացել Սերժ Սարգսյանը հինգ տարի աոաջ։ Օրինակ՝ խոստացել էր, որ 2012-ին (այսինքն՝ հիմա) աղքատության մակարդակը կլինի 14 տոկոս, բայց 35 տոկոս է։ Խոստացել էր, որ 2012-ին նվազագույն աշխատավարձը կլինի 45,4 հազար դրամ, բայց 32,5 հազար է։ Փաստորեն, ըստ Գագիկ Մինասյանի, նվազագույն աշխատավարձը հիմա էլ է 45,4 հազար դրամ, բայց 13 հազարն անտեսանելի է. մարդիկ ստանում են ու չեն տեսնում։ Ընտրություններից հետո կտեսնեն։
Ի դեպ, պատասխանելով այն հարցին, թե Սերժ Սարգսյանի նախընտրական խոստումներից ո՞րն է կատարվել, Գագիկ Մինսայանն ասել է, թե իրենց հաջողվեց «առավել մեղմ ձեւով հաղթահարել համաշխարհային ֆինանսատնտեսական ճգնաժամը»: Ափսոս՝ 2008թ. Սերժ Սարգսյանի նախընտրական ծրագրում այդպիսի կետ չկար։
«Չորրորդ ինքնիշխանություն»
