Մոսկվայում հանցավոր խմբի հինգ անդամների նկատմամաբ քրեական գործ է հարուցվել, նրանք մեղադրվում են եվրո, հայկական, ուկրաինական և ռուսական թղթադրամներ կեղծելու մեջ, հայտնել են Ռուսաստանի ներքին գործերի նախարարության կենտրոնական վարչությունից: Գրում է «ՌԻԱ նովոստի» լրատվական գործակալությունը:
«Օպերատիվ որոնողական գործողությունների արդյունքում հայտնաբերվել է հանցավոր խումբ, որը զբաղվում էր Ռուսաստանի Դաշնության կենտրոնական բանկի (հազարանոց և հինգ հազարանոց թղթադրամներին համարժեք), Եվրամիության բանկի (100 եվրոյին համարժեք), ինչպես նաև ԱՊՀ երկրներից Ուկրաինայի և Հայաստանի կեղծ թղթադրամների համակարգված արտադրությամբ և իրացմամբ», – ասված է հաղորդագրությունում:
Իրավապահները բացահայտել են կեղծ թղթադրամներն իրացնողներին, միջնորդներին, որոնք իրենց մոտ էին պահում և տեղափոխում այն, ինչպես նաև թղթադրամներ թողարկողին:
Խուզարկվել է հանցախմբի հինգ անդամների տունը, առգրավվել է կեղծ թղթադրամներ արտադրող սարքը և պատրաստի «արտադրանքը»:
Կարդացեք նաև
Կեղծ փողի արտադրության և իրացման համար քրեական գործ է հարուցվել: Մեղադրյալներին սպառնում է 12 տարվա ազատազրկում:
Պատրաստեց Հովհաննես ԻՇԽԱՆՅԱՆԸ
