Հին, փոշոտ գրադարակներ, իրար վրա դարսված հարյուրավոր գրքեր, խաչեր, կոտրված և անկյուն նետված աթոռներ, կենցաղային իրեր, կիսաքանդ առաստաղ և խոնավացած, ճաքած պատերին Լուսինե Զաքարյանի՝ շրջանակի մեջ առնված լուսանկարներ:
Այսպիսին է այժմ հայ հոգևոր երգերի, տաղերի, Կոմիտասի երգերի հայտնի երգչուհի «Ամենայն հայոց սոխակ» Լուսինե Զաքարյանի բնակարանը, որտեղ նա ապրել է ամուսնու՝ հայտնի շարականագետ, հասարակական գործիչ և բազմամյա մանկավարժ Խորեն Պալյանի հետ:
Եզնիկ Կողբացու 42 հասցեում գտնվող նրանց երկսենյականոց բնակարանը կործանումից փրկելու և տուն-թանգարանի վերածելու համար «Ֆեյսբուք» սոցիալական ցանցում ՀՀ մշակույթի նախարարությանն ուղղված նախաձեռնություն է ստեղծվել, ուր մեկնարկել է առցանց ստորագրահավաքը: Նախաձեռնությանն արդեն իսկ մոտ 500 օգտատեր է միացել:
Նախաձեռնության հեղինակները նշում են, որ անուշադրության մատնված բնակարանը գտնվում է ոչ բարվոք, անմխիթար վիճակում, իսկ որոշ իրեր նույնիսկ թալանված են: Նրանք նշում են, որ պատրաստվում են ստորագրահավաքի ավարտին նամակ ուղղել Հայաստանի նախագահին, մշակույթի նախարարությանը,Ամենայն հայոց կաթողիկոսին:
Կարդացեք նաև
«Արդեն 5 տարի է, ինչ Պալյանի մահից հետո ոչ ոք չի ապրում այդ բնակարանում: Ամբողջ խնդիրն այն է, որ չգիտենք, թե ո´վ է Զաքարյանի ու Պալյանի տան ժառանգորդը: Մենք նույնիսկ քաղաքապետարան և մշակույթի նախարարություն ենք դիմել, և նրանք նշել են, որ եթե տունն իրենց հանձնվի, ապա աշխատանքներ կկատարեն, բայց իրավական առումով այդ տունը պետության սեփականությունը չէ, և իրենք անգամ վերանորոգել չեն կարող բնակարանը»,- ասում է Պալյանի բարեկամուհին, ով չցանկացավ նշել իր անունը:
Նա ասում է, որ մեկ ամիս առաջ վերևի հարկից ամբողջ բնակարանը ջուր են բաց թողել և 5 օր այդպես է մնացել: Դրանից հետո կիսաքանդ առաստաղն ու խոնավությունից մաշված պատերն ավելի անմխիթար են դարձրել բնակարանի վիճակը:
Մանրամասները կարդացեք այստեղ:
