Ամերիկյան հեղինակավոր «Բիզնես փանդիթ» և «Ամերիքան փոլիթիքս ռիսըրչ» հանդեսները տարիներ շարունակ կազմել են ԱՄՆ-ում ֆինանսական, ռազմական և էթնիկական առաջատար լոբբիստական կազմակերպությունների վարկանիշները, որպեսզի պարզեն նրանց ազդեցությունը պաշտոնական Վաշինգտոնի վրա: Գրում է «Երկրամաս» թերթը՝ հղում անելով «Թայմ թու էնըլայզ» պարբերականին, որը վարկանիշային արդյունքների նյութերի հիման վրա ներկայացնում է ԱՄՆ-ում ամենաազդեցիկ էթնոլոբբիստական կազմակերպությունների տասնյակը:
Տասնյակում հայտնվել են հայկական երկու կազմակերպություններ: Ամենաազդեցիկ կազմակերպությունը համարվում է Հասարակական կապերի ամերիկա-իսրայելական կոմիտեն, որին հաջորդում է Ամերիկայի հայ ազգային կոմիտեն, իսկ յոթերորդ տեղում է Ամերիկայի հայկական ասամբլեան:
Ցուցակում առկա են նաև հունական, իռլանդական, կուբայական, իտալական և մեքսիկական կազմակերպություններ: Մեկ այլ իսրայելական կազմակերպություն՝ Հակաապատեղեկատվական լիգան զբաղեցնում է տասնյակի 5-րդ հորիզոնականը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
