Մոնթրոուզի տարածքում գտնվող եկեղեցու մի հասարակ դասասենյակում, մի խումբ չափահասներ սովորում են մի բան, ինչը մեզանից շատերը հանգիստ կիրառում են ամենօրյա կյանքում՝ անգլերեն խոսելը: Գրում է «Գլենդել նյուզ փրեսը» թերթը:
Այստեղ սովորում են հայ, իրանցի, կորեացի գաղթականներ, որոնք նոր կյանք են սկսել ԱՄՆ-ում, ու որոնցից ամեն մեկը իր հայրենիքի հետ կապված հետաքրքիր պատմություններ ունի:
Նրանց դասախոսի՝ Ռոմինա Տեր-Պետրոսյանի օգնությամբ նրանք ամսվա վերջում քննություն կհանձնեն, որով կպարզվի, արդյոք նրանք տեղափոխվո՞ւմ են ավելի բարձր մակարդակի անգլերենի դասընթացների, թե՞ ոչ:
Ջանեթ Շահիջանյանը, որը իր ընտանիքի հետ Իրանից գաղթել է չորս տարի առաջ, այս դասընթացներն արդեն անցել է, բայց հետ է եկել, որպեսզի օգնի իր դստերը հասնել նույն արդյունքին:
Կարդացեք նաև
«Շատ բարդ է, բայց կամաց-կամաց ավելի է լավանում», – ասում է նա հայերեն, – «Ես միշտ սիրել եմ սովորել ու ես սիրում եմ լեզուն: Ես ուզում եմ սովորել, որպեսզի երբ դուրսն ինչ-որ մեկը հետս խոսի, հասկանամ, թե ինչ է խոսում, որովհետև ես շատ եմ տխրում եմ, երբ չեմ հասկանում»:
Պատրաստեց Հովհաննես ԻՇԽԱՆՅԱՆԸ
