Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում, դատավոր Ա. Հունանյանի նախագահութամբ ընթանում են Կամո Բադալյանի եւ Ստեփան Ծաղիկյանի գործով դատական նիստեր:
Իրավաբան դասախոս Ստեփան Ծաղիկյանը դիմել էր դատարան, պահանջելով բռնագանձել Կամո Բադալյանից գումարներ:
Կ.Բադալյանի միջնորդությամբ 2004թ-ին Ստեփան Ծաղիկյանին էին վաճառվել ռուս գեղանկարիչներ Ա.Դեյնեկայի եւ Պ.Կոնչալովսկու 4 ստեղծագործություններից:
Ս. Ծաղիկյանը, ըստ Կ. Բադալյանի, այդ կտավները տեղափոխել էր Ռուսաստան: Պարզվել էր, որ նշված ստեղծագործությունները «Պետական տրետյակովյան պատկերասրահ» համառուսաստանյան թանգարանային միավորման եւ «Արթքոնսալթինգ» ՍՊԸ-ի կողմից ենթարկվել են փորձաքննության: Փորձաքննության եզրակացությամբ հաստատվել էր, որ դրանք կեղծ են:
Կարդացեք նաև
Մինչդեռ, «Մշակութային արժեքների արտահանման եւ ներմուծման մասին» ՀՀ գործող օրենքի համաձայն, Ծաղիկյանը նկարների արտահանում չէր կարող առանց պատկան մարմնի թույլտվության: Դա նշանակում է, որ այդ ժամանակ էլ կպարզվեր նկարների կեղծ կամ իրական լինելը:
Եվ քանի որ միջնորդը Կ.Բադալյանն էր եղել, Ծաղիկյանը պահանջում է փոխհատուցումը նրանից:
Կ.Բադալյանի տեղեկացմամբ, որը դիմել էր նաեւ ՀՀ գլխավոր դատախազություն, 2011թ. օգոստոսի 31-ին էլ ՀՀ ԿԱ պետեկամուտների կոմիտեի քննչական վարչությունում քրեական գործ հարուցելու մասին որոշում է ընդունվել:
Քրեական գործի հարուցումը մերժվել է, քննիչի կայացրած որոշումը բողոքարկվել է:
Կ. Բադալյանը եւ իր ներկայացուցիչ, փաստաբան Սեդա Սաֆարյանը բողոքարկել են քննիչի քրեական գործ չհարուցելու մասին որոշումը ՀՀ վերաքննիչ դատարանում: Դատարանը բավարարել է բողոքը եւ բեկանել Կենտրոն եւ Նորք-Մարաշ վարչական շրջանների ընդհանուր իրավասության դատարանի անցյալ տարվա հուլիսի 15-ի որոշումը:
Քրեական գործը ուղարկվել է Երեւանի Կենտրոնի բաժին, ինչի մասին Կ. Բադալյանն իմացել է միայն վերջերս, այսինք այն ժամանակ, երբ իր դեմ հայցի քննությունը շարունակվում էր:
Ռուզան ՄԻՆԱՍՅԱՆ
