2011 թվականին Տավուշի մարզում որսագողության ընդամենը մեկ դեպք է արձանագրվել: Այդ դեպքով ազատազրկման է դատապարտվել 5 անձ: Այս մասին հայտնելով՝ Տավուշի մարզի դատախազ Աննա Մանթաշյանն ասաց, որ իրավապահ մարմինները որսագողության դեպքերին ավելի խիստ են վերաբերվում, քան ապօրինի անտառահատումներին, եւ դրա վկայությունն է 5 անձանց ազատազրկումը:
Հավելենք, որ անտառաշատ, որսաշատ Տավուշում որսագողության դեպքերը շատ են, երբեմն որսագողությամբ զբաղվում են անձինք, ովքեր ի պաշտոնե կոչված են պայքարելու այդ երեւույթի դեմ: Լինում են դեպքեր, երբ մարզի ռեստորանների կերակրացանկերում տեղ են գտնում որսի մսից պատրաստված կերակուրներ:
Ոսկան ՍԱՐԳՍՅԱՆ
