Կալինինգրադում ընթացող բռնցքամարտի Եվրոպայի 19-22 տարեկանների անդրանիկ առաջնության երկրորդ օրը, Հայաստանից պայքարի մեջ ներգրավվել են չորս բռնցքամարտիկներ, որոնցից երեքը պարտության են մատնել մրցակիցներին եւ միայն մեկն է անհաջողության մատնվել: 60 կգ քաշային Հովհաննես Բաչկովը միավորներով զիջել է Էլվին Իսաեւին, Կորյուն Սողոմոնյանը (49 կգ) միավորների 17-12 առավելությամբ հաղթել է ուկրաինացի Նազար Կուրոտչին, Նարեկ Աբգարյանը (52 կգ)՝ բելառուսցի Դմիտրի Ստրիգելսկուն` 17-16, իսկ 64 կգ քաշային Արթուր Քիրաջյանը՝ հունգարացի Ջոզեֆ Հերչեկին` 16-8:
Այսպիսով, երկու օրվա ընթացքում Հայաստանի հավաքականից պայքարից դուրս մնացել են երկուսը: Այսօր առաջին մենամարտերն են անցկացնելու 56 կգ քաշային Արամ Ավագյանը, որն ուժերը չափելու է բելառուսցի Դմիտրի Ժուկովի հետ, իսկ գերծանր՝ +91 կգ քաշային կարգում Արմեն Սիմոնյանի մրցակիցը լինելու է Գաբոր Օրբան (Հունգարիա):
Աշոտ ՀԱԿՈԲՅԱՆ
