ԱԺ ՀԱԿ խմբակցության պատգամավոր Գագիկ Ջհանգիրյանի գնահատմամբ, 2008-ից հետո Հայաստանում մարդու իրավունքների պաշտպանության առումով առաջընթաց չկա: Պարոն Ջհանգիրյանի խոսքերով, իշխանությունները չեն կարողանում երաշխավորել քաղաքացիների սահմանադրական իրավունքների պաշտպանությունը:
Նա դժվարացավ ասել, թե իշխանություններին նախընտրական շրջանում արդյոք ձեռնտու է ՀԱԿ ակտիվիստներին արգելանքի տակ պահելը. «Կարծում եմ` մեկ երկուսն անպայման պետք է մնան անազատության մեջ, որովհետեւ Տիգրան Առաքելյանի եւ մնացածի ձերբակալումը պատճառ դարձավ երկխոսության ընդհատման: Իրենք իրենց տեսանկյունով պետք է հիմնավորեն, որ նրանք հանցագործներ են: Կարծում եմ` կունենանք քաղբանտարկյալներ այսօր եւ ապագայում»:
Պարոն Ջհանգիրյանը նաեւ հավելեց, որ քաղաքական հետապնդման առումով էլ գրեթե ոչ մի փոփոխություն չկա. «Ոչինչ չի փոխվել, քանակներն են կրճատվել: Այն ժամանակ 160 հոգի էին հանիրավի կալանված, հիմա ընդամենը 4-ը: Իրենք էլ են ընդունում, որ հանցագործները խուսափում են քրեական պատասխանատվությունից, իսկ վկաներն ու տուժողները դառնում են մեղադրյալներ: Մենք էլ նույնն էինք ասում, ուրիշ բան չենք ասել, բայց քանի որ մենք էինք ասում, չէին ընդունում, իսկ հիմա ստիպված պետք է հաստատեն, որովհետեւ ոչ մի բան չի փոխվել»:
Կարդացեք նաև
Արփինե ՍԻՄՈՆՅԱՆ
