Հունգարիան, թեև Ռամիլ Սաֆարովին արտահանձնելով չի խախտել միջազգային ոչ մի իրավունք և հանդես է եկել իր լիազորությունների շրջանակներում, սակայն այդ գործարքն անելիս պետք էր ավելի զգույշ լինել: Հունգարիայի մարդու իրավունքների պաշտպան Մատի Սաբոյի խոսքն է փոխանցում «Փոլիթիքս» պարբերականը:
Սաբոն ուրբաթ օրը «Էմ Այ Թի» լրատվականին ասել է, որ գործի քննման արդյունքում նա եզրահանգել է, որ Հունգարիայի կառավարությունը պետք է հստակ գիտակցեր, որ Ադրբեջանի համար Ռամիլ Սաֆարովը «հայրենասիրական պարտք» է կատարել, երբ «նա դաժանորեն սպանել է իր անպաշտպան հայ գործընկեր սպային, որոնք Բուդապեշտում մասնակցում էին ՆԱՏՕ-ի դասընթացներին»:
«Անկասկած կարելի էր ակնկալել, որ մադասպանը հենց հանձնվի Ադրբեջանին, նրան ներում կշնորհվի ու ազատ կարձակվի», – ասել է Սաբոն ու ավելացրել, որ սա հակասում է իրավական որոշակիության սկզբունքին:
Պատրաստեց Հովհաննես ԻՇԽԱՆՅԱՆԸ
