Դեկտեմբերի 9-ին, ժամը 16.20-ի սահմաններում Ոսկեպար գյուղի տարածքում, ճանապարհի ոլորանում գյուղապետարանի «ՎԱԶ-2107» ավտոմեքենան բախվել է Ոսկեպարի բնակիչ Գրիգոր Ալավերդյանին պատկանող «Ջիպ» տեսակի մեքենային: Վիրավորներ չկան, սակայն գյուղապետարանի ծառայողական մեքենան բավական վնասվել է: Մեր տեղեկություններով ՝ «ՎԱԶ-2017» մեքենայի ղեկին է եղել գյուղապետ, 26-ամյա Երվանդ Եգանյանը, ով 2012թ. սեպտեմբերի 23-ին ընտրվել է այդ պաշտոնում: Դեպքի վայրում ոստիկանությունը քննություն է կատարում:
Ոսկան ՍԱՐԳՍՅԱՆ
