Ջիվան Սարգսյան
Այդ մասին Aravot.am –ի հետ հարցազրույցում ասում է ասմունքող Ջիվան Սարգսյանը:
«Սա մի առիթ է, որպեսզի շատերը նորովի վերաբերմունքով հայացք դարձնեն դեպի Հայաստան աշխարհը: Էպոսը մեր անձնագիրն է, այդտեղից ենք մենք սնվում, այդտեղ են մեր ազգային բնավորության գծերը, ամեն ինչ բխում է էպոսից: Ազգային նկարագիրը պահելու համար շատ կարեւոր է էպոսը ունենալ սրտիդ մեջ»:
Թեեւ վերջին երկու տասնամյակում, Ջիվան Սարգսյանի խոսքերով, էպոսի նկատմամբ խիստ արժանի լրջությամբ վերաբերմունք չի ցուցաբերվել, այնուամենայնիվ, այս քայլը կզգաստացնի մեզ:
«Երբ որ արդեն դուրսն է անդրադառնում քո խնդրին, դու քո խնդրի հետ կապված ավելի ես զգաստանում: Հիմա մենք չենք կարող անտարբեր լինել: Մեծ պարտավորություն են իրենց այդ քայլով դնում հայ դպրոցի, բուհերի ուսերին, որ անպայմանորեն մենք խիստ շեշտված վերաբերմունք ցուցաբերենք մեր էպոսի հանդեպ»,-նշում է ասմունքողը:
Կարդացեք նաև
Ստեփան Զորյանի անվան տուն-թանգարանի տնօրեն Լենա Անթառանյանն էլ մեզ հետ զրոցում նշում է, որ էպոսի` UNESCO-ի ոչ նյութական մշակութային ժառանգության ցուցակում ընդգրվելը ողջ հայության հաղթանակն է:
«Սա խթան է` մեր հերոսին ավելի կարեւորելու համար: Էպոսի հերոսները, կերպարները դեռ պիտի զարգացնենք մեր ճանապարհին, ի վերջո մենք արցախյան խնդիր ունենք, ունենք ապրիլի 24»,-եզրափայում է Լենա Անթառանյանը:
Անուշ Բուլղադարյան
Վանաձոր
