Լույս է տեսել Շողիկ Թովմասյանի «Լուսահամ աղոթք կամ խնկարկում» պոեմը: Սա պոեմ գրելու՝ հեղինակի առաջին գրական փորձն է: Նվիրված է Եղեռնի 96-րդ տարելիցին: Պոեմը հագեցած է հուզական պատառիկներով, վշտի ու ափսոսանքի խորունկ ընդհանրացումներով, որոնք սարսռազդու են: «Լուսահամ աղոթք կամ խնկարկում»-ը, սակայն, լավատեսական ավարտ ունի՝ «Եղիցի լույս»: Կլինի լույս, քանի դեռ հիշում ենք անցյալը եւ պահանջում արդար հատուցում: Սա է պոեմի ասելիքը: «Առավոտի» հետ զրույցում հեղինակն ասաց, որ պատրաստ է նաեւ գրքի տրամաբանական շարունակությունը՝ նվիրված արցախյան հերոսամարտին: Առաջիկայում այն եւս գրքի «հանդերձանք» կընդունի:
«Առավոտ» օրաթերթ
