«ԱԺ կանոնակարգի համաձայն՝ իրենց ընդդիմություն հռչակած ուժերը, որոնք նաեւ կեցվածքով ու պահվածքով են ընդդիմադիր, եթե համախմբվել են ՀՅԴ-ի առաջարկած 7 կետերի շուրջ, իրենք պետք է համատեղ որոշեն, թե ո՞վ է լինելու միասնական թեկնածուն: Րաֆֆի Հովհաննիսյանն արդեն հայտարարել է առաջադրման մասին, ՀԱԿ-ը ոչինչ չի ասել, ՀՅԴ-ն ասել է, որ եթե այդ խնդիրները կիսեն, իրենք պատրաստ են սատարել նաեւ այլ թեկնածուի: Բայց ես չեմ կարծում, որ միայն այդ կետերը կիսելով, ընդունելով՝ ընդդիմությունը կարող է համախմբվել այս կամ այն թեկնածուի շուրջ»,- «Առավոտի» հետ զրույցում ընդդիմության միասնական պլատֆորմի մասին ասաց ՀՀԿ խմբակցության քարտուղար Հովհաննես Սահակյանը: Գագիկ Ծառուկյանի՝ միասնական թեկնածու լինելու մասին էլ ասաց՝ «կհայտարարեն՝ մեր կարծիքը կհայտնենք»:
«Առավոտ» օրաթերթ
