Կիևի հայ համայնքը դիմել է ուկրաինացի հայագետ, Հայաստանում Ուկրաինայի նախկին դեսպան Ալեքսանդր Բոժկոյին, որպեսզի նա «Սասնա ծռեր» էպոսը ՅՈՒՆԵՍԿՕ-ի ոչ նյութական մշակութային ժառանգության պահպանման ցուցակում գրանցելու որոշման հետ կապված մենաբանություն տա: Գրում է «Երկրամաս» թերթը:
«Ես այս որոշումն ընդունում եմ որպես հայ ազգի կողմից համաշխարհային մշակույթի մեջ մեծ ներդրումներ անելու ևս մեկ միջագային ճանաչում», – ասել է Բոժկոն, – «Հաճելի է, որ հայ բանահյուսության այս գանձը այսուհետ ունի նման բարձր կարգավիճակ ու դասվում է համաշխարհային քաղաքակրթության հումանիտար և մշակութային ոլորտների այլ նշանավոր ձեռբերումների հետ նույն շարքում: Հույս ունեմ, որ այս իրադարձությունը հզոր թափ կլինի հայկական էպոսի հետագա ճանաչման, նրա ավելի խորը ուսումնասիրության համար, ինչպես Հայաստանում, այնպես էլ այնտեղից դուրս»:
Նա նշել է, որ այս էպոսի նկատմամբ Ուկրաինայում միշտ մեծ հետաքրքրություն է եղել . «Անցած դարի 30-ականներին այն հրատարակվել է ուկրաիներեն ուկրաինացի հայտնի բանաստեղծ Պավլո Տիչինայի խմբագրությամբ: Իր երկրորդ շունչն այն ստացել է 2003թ. Վիկտոր Կոչեվսկու թարգմանությամբ: Իսկ այժմ, «Վեսելկա» հրատարակչությունը պատրաստում է լույս ընծայել այն իմ թարգմանությամբ և հանգամանալից նախաբանով», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
