Վիճակագիր-տնտեսագետ Անի Քալաշյանն ուսումնասիրություն է իրականացրել ամուսնությունների ու ամուսնալուծությունների թեմայով: Aravot.am-ի հետ զրույցում նա նշեց, որ ամուսնալուծություններում երբեմն առկա է սկեսուրների գործոնը:
Ամուսնալուծությունների քանի՞ տոկոսն է սկեսուրների մեղքով լինում հարցին, Քալաշյանի ասելով, հարցվողների այն մասը, որ ընտրել է «սկեսուրները առհասարակ կապ չունեն զույգերի որոշումների հետ» տարբերակը, գրեթե հավասար է «մինչև 30% դեպքերում» տարբերակը ընտրած անհատների թվին:
Իսկ այն հարցին՝ ունե՞ք ամուսնալուծված ծանոթներ, որոնց ամուսնալուծության պատճառ է հանդիսացել սկեսուրը, պատասխանել են 20-65 տարեկան 662 ՀՀ քաղաքացիներ՝ 559 կին և 103 տղամարդ: Նրանց մեծամասնությունը՝ 59,5%-ը, ասել է, որ ունի այդպիսի ծանոթ, իսկ 40,5%-ը՝ բացասական պատասխան է տվել:
Վիճակագրի տվյալներով, տղամարդիկ հիմնականում ամուսնանում են 25-29 տարիքային խմբում, իսկ կանայք ՝ 20-24 : Թե տղամարդիկ և թե կանայք այժմ ամենաքիչն են ամուսնանում 16-19 և 55-59 տարիքային խմբերում: Մանրամասները՝ տպագիր «Առավոտի» առաջիկա համարում:
Կարդացեք նաև
Գոհար ՀԱԿՈԲՅԱՆ
