Օրեր առաջ 2013-ի բյուջեն ընդունվեց, չնայած ԱԺ 4 խմբակցությունները դեմ քվեարկեցին: Բյուջեի ընդունումից հետո էլ չեն դադարում տարվա ֆինանսական գլխավոր փաստաթղթի նկատմամբ դժգոհություններն ու մտահոգությունը տարբեր ոլորտի ներկայացուցիչների կողմից: Մարդու իրավունքների պաշտպան Կարեն Անդրեասյանը ևս հայտնել է իր մտահոգությունը, նաեւ Հայկական աստղագիտական ընկերության ղեկավար, Բյուրականի աստղադիտարանի առաջատար գիտաշխատող Արեգ Միքայելյանը:
Արդյոք այս դժգոհությունների տարափը չի՞ վկայում այն մասին, որ հասարակությունն այնուամենայնիվ դեմ էր բյուջեի՝ այս տարբերակի ընդունմանը և իշխող կուսակցությունը դժվարություններ չի՞ ունենա այդպիսի բյուջեով լուծել հասարակությանը հուզող բազում խնդիրներ:
Այս հարցերի պատասխանները ստացանք ՀՀ ԱԺ Ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանի հետ զրույցում: Նա նշեց. «Ցանկացած տարվա բյուջեի մասին օրենքը օրենք է, և այն պիտի կատարվի: Մտահոգությունները հիմնականում բխում են այն հանգամանքից, որ հատկացումները փոքր են, քան ցանկալի են: Լրիվ հասկանալի է, երևույթը ինչպես մեր երկրին, այնպես էլ ցանկացած այլ երկրի է բնորոշ: Դա ողջ աշխարհին բնորոշ իրողություն է: Բայց դա չի նշանակում, որ այդ երկրներում ընդունված բյուջեները չպիտի կիրառվեն: Հենց պիտի կիրառվեն, որպեսզի այդ խնդիրներն ավելի մեղմվեն: Հասարակության հետ քննարկումներ միշտ եղել են, և դրանք շարունակական պրոցեսներ են: Խնդիրը ռեսուրսների սահմանափակությունն է, և այն ցանկությունները, որոնք չեն համընկնում սահմանափակ ռեսուրսների հետ»:
Կարդացեք նաև
Տաթև ՀԱՐՈԻԹՅՈՒՆՅԱՆ
